MTK Husu Alkatiri Atu Apoia Opiniaun Hodi Hadi’a No Hametin Setór Importante Sira

Dili, 28 Setembru 2020 : Ministru Transporte no Komunikasaun (MTK) José Agustinho da Silva, husu Eiz Primeiru-Ministru no atuál Sekretáriu Jerál FRETILIN Marí Bin Amude Alkatiri atu bele tulun fó opiniaun ka ideia balu hodi bele hadi’a no hametin liu tán setór importánte sira MTK nian, atu kontribui di’ak liu tán ba dada reseita ba Estadu.

José Agustinho husu ida ne’e ba Marí Alkatiri, ohin, wainhira hala’o sorumutuk iha Gabinete eiz-titulár, Faról, Dili.

Hatán ba ida ne’e, Mari Alkatiri dehan importante liu atu hametin uluk vontade servisu hamutuk nafatin ho sira ne’ebé halo parte memória institusionál nian iha Ministériu refere atu VIII Governu bele hetan susesu ho Plataforma Entendimentu bele ukun to'o 2023 .

Marí Alkatiri hatutan tán, "Ha’u prontu atu fó apoiu tomak ba susesu VIII Governu nian".

Fonte: Gabinete Primeiro-Ministro I e VII Governo Constitucional

Notísia Hotu-Hotu >