KROP Sub-komité Institusionál Finaliza Ona Análize Ba OJE 2021

Dili, 28 Setembru 2020 - Komité Revizaun Orsamentu Polítika (KROP) hosi sub-komité Setór Institusionál ne’ebé lidera hosi Primeiru-Ministru, Taur Matan Ruak, ohin (28/9) loro-kraik ne’e, konklui ona análize ba Orsamentu Jerál Estadu (OJE) tinan 2021 nian iha parte institusionál nian hosi liña ministeriál, instituisaun estadu no ajénsia autónomu sira.

Hafoin termina, ekipa tékniku hosi Unidade Planeamentu Monitorizasaun no Avaliasaun (UPMA) Gabinete Primeiru-Ministru nian no Diresaun Jerál Orsamentu Ministériu Finansa nian, kontinua kedas aprezenta rekomendasaun sira iha parte tékniku ba Komité Polítiku kona-ba proposta adisionál sira ne’ebé mosu. 

Iha rekomendasaun refere, tékniku sira sujere adisionál sira tenke bazeia ba prioridade Governu nian ne’ebé hatuur ona iha mata-dalan livru metan liuliu ba tinan 2021 nian, no planu rekuperasaun ekonómika ne’ebé Governu foin daudauk aprova ona atu hatán ba efeitu negativu hosi pandemia COVID-19, ne’ebé halo ekonomia nasaun monu.

Fonte: Mídia Gabinete do Primeiro Ministro (GPM)

Notísia Hotu-Hotu >