MAP Apoia Kombustível Hodi Fila Rai Ho Gratuita Ba To’os-Na’in Iha Manufahi

Manufahi, 30 Setembru 2020 - Diretór Servisu Agrikultura munisípiu Manufahi, Aurélio dos Santos Marques, ohin, informa katak Ministériu Agrikultura No Peska (MAP) iha tinan ida ne’e (2020), apoia kombustível hodi fila rai ba to’os-na’in sira-nia to’os hamutuk éktare 1.850 iha Manufahi, atu kuda produtu sira iha époka 2021.

Prosesu fila rai ne’e hahú ona iha semana ikus Setembru nian, nune’e MAP distribui ona kombustível tonelada 2. MAP munisípiu Manufahi kontinua husu tán kombustível tonelada 5.

Aurélio esplika tán, prosesu fila rai gratuita daudauk ne’e hala’o sedu iha Setembru, tanba kondisaun tratór 34 iha Manufahi maioria avaria. Maske nune’e MAP Manufahi utiliza orsamentu Covid-19 hodi hadi’a ona tratór boot lima iha sentru mekanizasaun Betanu.

MAP mós distribui ona fini Hare ho Batar hamutuk tonelada 12 no balu distribui ona ba agrikultór sira iha munisípiu Manufahi.

Fonte: Diáriu "Roman ba Sosiedade" Manufahi

Notísia Hotu-Hotu >