Kazu Infektadu Rekuperadu Hotu, Timor-Leste Livre Fali Ona Hosi Moras Covid-19

Dili, 07 Outubru 2020 – Liuhosi konferénsia imprensa ne’ebé hala’o ohin, Koordenadór Jerál Interinu Covid-19, Nilton do Carmo da Silva, informa katak pasajeiru ho idade 39, sexu mane, ne’ebé halo viajen hosi Jakarta, no teste pozitivu iha 23 Setembru liubá hodi baixa iha Sentru Izolamentu Vera-Krúz ne’e rekuperadu hikas ona. Ho rezultadu refere, oras ne’e laiha kazu ativu ruma, tanba ne’e, Timor-Leste livre fali ona hosi moras Covid-19.

“Teste Swab ne’ebé halo iha loron 2 Outubru hatudu rezultadu negativu. Tanba ne’e mak ohin loron, hakarak deklara ba públiku katak, pasiente refere sei alta iha loron ohin, hodi bele incorpora ba iha família, maibé nafatin tenke kumpre auto-kuarentena ba loron 14”, informa Nilton.

Nilton mós informa katak Ministériu Saúde sei hein hela rezultadu teste Covid-19 hamutuk 272.

Fonte: Mídia Palácio das Cinzas

Notísia Hotu-Hotu >