SEKOOP Fó Formasaun Ba Juventude Na'in-60 Kona-ba Kooperativa

Dili, 12 Outubru 2020 - Sekretaria Estadu Kooperativa (SEKOOP) realiza formasaun báziku kona-ba kooperativa, ho objetivu prinsipál tuir líder SEKOOP Elizário Ferreira hateten, mak atu organiza no forma juventude sira hodi bele sai formadór, organizadór no motivadór atu nune'e, juventude bele eduka rasik komunidade iha baze kona-ba oinsá kontribui ba dezenvolvimentu ekonómika iha nível lokál.

"Segundu, forma mós sira (juventude) atu hatene oinsá uza osan, oinsá buka osan no oinsá atu bele projeta osan ninia rendimentu.", Elizário Ferreira hatutan tán, ohin (12/10), iha Salaun Federasaun Hana'i Malu, Dili.

Formasaun refere SEKOOP fó ba juventude hamutuk na'in-60 ho durasaun loron 10, no partisipante sira ne'e balu mai hosi grupu kooperativa, no balu mós mai individualmente ne'ebé hakarak atu projeta-an hodi sai formadór.

Fonte: Timor News

Notísia Hotu-Hotu >