Bangladesh Sei Aplika ‘Pena Mate’ Ba Ema Ne’ebé Komete Violasaun Sexuál

Bangladesh, 13 Outubru 2020 – Bangladesh sei permite pena mate ba ema ne’ebé komete violasaun sexuál, hafoin mosu protestu durante semana hirak hodi kontra violasaun sexual iha nasaun refere.

Bangladesh nia Gabinete, iha segunda (12/10) ne’e, aprova emenda ida ne’ebé altera punisaun máximu ba estupradór ka ema ne’ebé komete violénsia sexuál, hosi prizaun perpétua ba pena mate, tuir informasaun hosi ajénsia notísia estatál Bangladesh, Sangbad Sangstha (BSS).

Dispozisaun foun ne’e sei tama iha vigór wainhira Prezidente Bangladesh, Abdul Hamid, asina ona. Desizaun ida ne’e konsideradu nu’udar formalidade.

“Feto sira iha Bangladesh hakribi tiha ona Governu nia frakeza atu solusiona violasaun no abuzu sexuál ne’ebé sempre akontese”, dehan Meenakshi Ganguly, Diretór Human Rights Watch iha Ázia Súl, liuhosi komunikadu ida iha semana kotuk.

Mais ou menus feto no labarik feto hamutuk 975 mak hetan violasaun sexuál hosi Janeiru to’o Setembru 2020 iha Bangladesh, tuir Ain o Salish Kendra, organizasaun Bangladesh nian ida kona-ba direitu umanu no asisténsia jurídika, ho sede iha kapitál Dhaka. 

Fonte: CNN

Notísia Hotu-Hotu >