CEFTEC Hahú Ona Formasaun Faze Datoluk Iha Unidade Rádiu No Lian Tétun

Dili, 13 Outubru 2020 - Sentru Formasaun Téknika iha Komunikasaun (sigla portugés CEFTEC), ohin (13/10), hahú formasaun faze datoluk iha Unidade Rádiu no Lian Tétun Aplikadu ba Jornalizmu.

Formasaun ne’e loke hosi Sekretáriu Estadu ba Komunikasaun Sosiál (SEKOMS), Merício dos Reis Akara, iha salaun INAP, Komoro, Dili.

SEKOMS apresia prestasaun servisu ne’ebé CEFTEC hatudu liuhosi elaborasaun planu ne’ebé di’ak hodi realiza formasaun sira.

SEKOMS afirma, sei akompaña nafatin CEFTEC hodi promove rekursu umanu tanba atu dezenvolve instituisaun ida presiza iha rekursu umanu ne’ebé kapasitadu, iha esperiénsia no abilidade hodi halo planu no avaliasaun nune’e bele implementa atividade sira ho di’ak.

SEKOMS reforsa katak formadór sai hanesan mata-dalan hodi fahe matenek ba formandu sira. Governante ne’e mós husu ba formandu sira atu aproveita ho di’ak oportunidade ne’ebé iha hodi aumenta sira-nia koñesimentu iha área komunikasaun sosiál.

Fonte: Mídia Secretário de Estado Para a Comunicação Social (SECOMS)

Notísia Hotu-Hotu >