Sidadaun Sira Tenke Iha Uluk Karta Kondusaun Molok Sosa Kareta Ka Motorizada

Dili, 13 Outubru 2020 - Komandante Polísia Tránzitu Munisípiu Dili, Domingos Sarmentu Gama, informa ba sidadaun hotu-hotu katak tenke iha uluk karta kondusaun molok sosa kareta ka motorizada, hodi hatudu katak sira iha ona lisensa atu uza estrada públiku, no atu kontribui mós ba redusaun asidente tráfiku.

"Ema estranjeiru sira kuandu hanoin atu hola transporte, primeiru sira hanoin atu iha karta kondusaun lai. Karta kondusaun ne'e katak iha ona lisensiamentu ba kondúz kareta ho motór (...) sidadaun se de'it mak uza kareta ka motor iha estrada públiku laiha karta kondusaun ne'e katak ilegalmente uza estrada públiku, ne'e krime, ne'e konsidera krime", Domingos Sarmentu hatutan tán, ohin, iha nia knaar-fatin, Kaikoli, Dili.

Tanba ne'e, nia salienta tán katak Polísia Tránzitu nafatin hala'o pasa revista iha estrada públiku sira hodi identifika sidadaun ne'ebé laiha karta kondusaun maibé kondúz transporte, inklui prevene mós ema atu kontra kódigu estrada nian, hodi bele hamenus asidente tráfiku ne'ebé durante ne'e sempre akontese.

Fonte: Timor News

Notísia Hotu-Hotu >