Aliansa Ba Labarik Feto Hato’o Preokupasaun Ba PN Kona-ba Asédiu No Abuzu Online

Dili, 14 Outubru 2020 – Parlamentu Nasionál (PN) liuhosi Komisaun F ne’ebé trata asuntu Saúde, Seguransa Sosiál no Igualidade Jéneru, halo reuniaun ho organizasaun Aliansa ba Labarik Feto, ne’ebé akompaña hosi Plan International, iha tersa (13/10) ne’e. Iha reuniaun ne’e, organizasaun refere lori labarik feto iha mundu nia naran, hato’o preokupasaun kona-ba asédiu no abuzu online liuhosi mídia sosiál.

Reprezentante hosi organizasaun refere, Gabriela Fernandes Gomes, hateten katak Timor-Leste hola parte mós iha situasaun refere, tanba ne’e Plan International suporta organizasaun ne’e hodi halo kampaña kontra asédiu no abuzu online, ho tema ‘Labarik Feto ho Igualidade Filme Online’, atu nune’e labarik feto sira uza mídia sosiál ho seguru.

Aliansa ba Labarik Feto kontinua halo advokásia hamutuk ho empreza Telekomunikasaun sira atu iha futuru, labarik feto sira uza mídia sosiál tuir regra no seguru.

Fonte: Mídia Parlamento Nacional (PN)

Notísia Hotu-Hotu >