SEKOMS Iha Planu Atu Fornese Internet Ba Suku Sira Ne’ebé Iha Ona Sentru Informasaun

Dili, 14 Outubru 2020 – Sekretáriu Estadu ba Komunikasaun Sosiál (SEKOMS) Merício dos Reis Akara informa katak SEKOMS iha planu atu dezenvolve suku dijitál no sei fornese liña internet ba suku sira ne’ebé iha ona sentru informasaun, nune’e bele uza meiu dijitál hodi promove potensialidade suku nian.

Akara hato’o informasaun ne’e, ohin wainhira halo abertura ofisiálmente ba Workshop kona-ba ‘Planu Asaun Anuál 2021’ ne’ebé organiza hosi Sentru Rádiu Komunidade, iha salaun ANC, Kaikoli, Dili.

AKARA afirma, Planu Asaun Anuál ba 2021 sei foka liu ba dezenvolvimentu mídia munisípiu, programa Naroman ba Suku ne’ebé sei kobre munisípiu hotu, ne’ebé kompleta ho sentru informasaun, biblioteka komunitária inklui atividade diálogu komunitáriu no seluk tán.

Akara mós husu ba funsionáriu Sentru Rádiu Komunidade sira atu hala’o servisu ho seriedade nune’e bele hadi’a jestaun rádiu komunidade, dezenvolve programa Naroman ba Suku, diversifika mídia munisípiu hodi tranzmite informasaun kona-ba dezenvolvimentu nasaun nian.

Fonte: Mídia Secretário de Estado Para a Comunicação Social (SECOMS)

Notísia Hotu-Hotu >