Sidadaun Na’in-14 Halo Tán Pasajen Ilegál Iha Fronteira Terestre

Dili, 15 Outubru 2020 – Komandante Jerál Polísia Nasionál Timor-Leste (PNTL) Faustino da Costa, informa katak iha semana ida nia laran PNTL kaptura tán sidadaun Timoroan hamutuk na’in-14 ne’ebé halo pasajen ilegál iha fronteira terestre entre Timor-Leste ho Indonézia.

Komandante Jerál PNTL hato’o informasaun ne’e, ohin (15/10), iha palásiu prezidensiál, hafoin hasoru malu ho Prezidente Repúblika Francisco Guterres Lú Olo. Sidadaun ne’ebé halo pasajen ilegál liuhosi fronteira terestre ne’e nu’udar membru grupu arte-marsiál no estudante sira ne’ebé kontinua hela sira-nia estudu iha Indonézia.

Tuir medida implementasaun estadu emerjénsia daneen katak, sidadaun sira ne’ebé halo pasajen ilegál iha fronteira sei selu multa entre $30 to’o $250 no sei selu rasik mós kustu kuarentena durante loron 14 nia laran.

Fonte: Mídia Presidente da República (PR)

Notísia Hotu-Hotu >