UNTL Realiza Jogu Amizade Voleiból Entre Fakuldade Hodi Halo Selesaun Ba Klubu Akadémika

Dili, 16 Outubru 2020 – Universidade Nasionál Timor Lorosa’e (UNTL) realiza jogu ho modalidade voleiból ba ekipa feto no mane hosi kada fakuldade, durante loron 3 hahú hosi 14 to’o 16 Outubru 2020, atu promove amizade entre fakuldade sira, no halo mós selesaun ba klubu akadémika.

“Objetivu hosi ita-nia jogu ne’e mak jogu amizade entre fakuldade sira hotu, no mós ita atu halo selesaun jogadór di’ak sira ne’ebé iha potensialidade bele apoia klubu voleiból akadémika UNTL nian hodi partisipa iha liga nasionál sira iha futuru”, informa Pro-reitór ba Asuntu Estudantil, Zeferino Viegas Tilman, iha Kampuz Sentrál UNTL, Díli.

Iha abertura, ekipa hosi Fakuldade Agrikultura (FAGRI) joga kontra ekipa hosi Fakuldade Ekonomia no Jestaun (FEJ), nia rezultadu mak ekipa mane no feto hosi FEJ halakon tiha ekipa mane no feto hosi FAGRI.

Fonte: Mídia Universidade Nacional Timor Lorosa'e (UNTL)

Notísia Hotu-Hotu >