Kopa FFTL 2020: Lalenok FC Hakat Ba Semi-Finál Hafoin Halakon AS Marca Ho Golu 6-0

Dili, 16 Outubru 2020 – Iha jogu oitavu finál Kopa FFTL 2020 ne’ebé hala’o iha kinta (15/10) ne’e, ekipa Lalenok United FC halakon nia adversáriu AS Marca ho rezultadu golu 6-0, iha estádiu Kafé Gleno, Ermera.

Hafoin jogu remata, liuhosi konferénsia imprensa, Treinadór Lalenok United FC, Simon Elissetche hateten, nia apresia ho rezultadu hosi jogu ne’e tanba tuir tarjetu ekipa nian hodi hakat ba semi-finál.

“Ami satisfáz ho rezultadu hosi jogu manán dala 6 no avansa ba semi-finál tuir tarjetu ami nian. Konserteza katak kada jogu iha buat balu ne’ebé presiza avaliasaun no hadi’a ba jogu tuir mai, liuliu ami nia téknika joga ne’ebé di’ak tebes iha tempu segundu parte nian”, dehan Simon.

Treinador ne'e klarifika liu tán, hosi avaliasaun hotu ba jogu ne’e, ekipa apresia no ekipa sempre realístiku servisu ho di'ak atu halo preparasaun di'ak hodi bele manán iha jogu tuir mai.

Fonte: Federação Futebol de Timor-Leste (FFTL)

Notísia Hotu-Hotu >