MAPKOMS: Jornalista Internasionál Sira Mós Kontribui Ba Timor-Leste Nia Luta Hodi Ukun Rasik-an

Dili, 16 Outubru 2020 - Ministru ba Asuntu Parlamentár no Komunikasaun Sosiál (MAPKOMS), Francisco Jerónimo hateten katak Timor-Leste nia luta atu alkansa independénsia la’os mai de’it hosi kontribuisaun Timoroan sira nian no jornalista nasionál sira, maibé hetan mós kontribuisaun hosi jornalista internasionál sira ne’ebé sakrifika ona sira-nia vida hodi liberta nasaun ida ne’e.

Francisco Jerónimo hato’o ida ne’e wainhira partisipa iha komemorasaun tinan 45 trajédia Balibó Five, ne’ebé realiza iha kinta (15/10) ne’e, iha postu-administrativu Balibó, munisípiu Bobonaru.

 Eventu refere nia objetivu mak atu dignifika sakrifísiu hosi jornalista internasionál sira ne’ebé mate iha Outubru 1975, iha Balibó, hodi divulga informasaun ba mundu tomak kona-ba Timor-Leste nia luta ba libertasaun nasionál.

MAPKOMS mós apela ba foinsa’e sira atu buka hatene kona-ba istória Timor-Leste nian no banati tuir ezemplu erói sira nian hodi kontribui ba dezenvolvimentu nasionál.

Fonte: Ministério dos Assuntos Parlamentares e Comunicação Social (MAPCOMS)

Notísia Hotu-Hotu >