MAPKOMS Observa Direita Kondisaun Reál Rádiu Komunidade Maliana Nian

Bobonaru, 16 Outubru 2020 – Ministru ba Asuntu Parlamentár no Komunikasaun Sosiál (MAPKOMS) Francisco da Costa Jerónimo vizita Rádiu Komunidade Maliana, ohin (16/10), hodi haree direitamente kondisaun no situasaun real relasiona ho funsionamentu servisu iha Rádiu Komunidade ne’e.

Prezidente Konsellu Rádiu Komunidade Maliana, Paulino Viegas Tilman, sente kontente ho vizita MAPKOMS nian, tanba liuhosi oportunidade ne’e sira bele hato’o preokupasaun liuliu falta ekipamentu servisu hodi fasilita serbisu profisionál mídia iha meiu komunikasaun ne’e.

Nune’e, Francisco Jerónimo hateten, MAPKOMS sei fó solusaun ba problema sira ne’ebé Rádiu Komunidade Maliana hato’o ona, hodi asegura funsionamentu servisu iha estasaun rádiu estatál ne’e.

Fonte: Ministério dos Assuntos Parlamentares e Comunicação Social (MAPCOMS)

Notísia Hotu-Hotu >