MOP Sei Halo Manutensaun Ba Estrada Rurál No Urbana Sira Ho OJE 2021

Dili, 17 Outubru 2020 - Ministru Obras Públikas (MOP) Salvador dos Reis Pires, hasoru malu ho Diretór Jerál Obras Públikas (sigla portugés DGOP), Rui Hernani, no Prezidente Institutu Jestaun Ekipamentu (sigla portugés IGE), Ermenegilda da Costa Laurentina, iha sexta (16/10) ne'e, ho objetivu hodi fó orientasaun ba DGOP no parte IGE atu halo preparasaun ba tinan 2021 hodi halo manutensaun ba estrada rurál no urbana sira.

Maibé, preparasaun ne'e halo hodi hein wainhira Orsamentu Jerál Estadu (OJE) 2021 ne'ebé Governu submete ona ba Parlamentu Nasionál ne'e hetan ona aprovasaun hosi Parlamentu Nasionál no promulga ona hosi Prezidente Repúblika.

Iha enkontru ne'e ko'alia mós kona-ba nesesidade no preparasaun IGE nian ba atendimemtu situasaun emerjénsia liuliu normalizasaun mota sira iha kapitál Dili no munisípiu sira, inklui loke estrada foun ba komunidade.

Fonte: Mídia Ministério das Obras Pública (MOP)

Notísia Hotu-Hotu >