SEKOOP Estabelese Kooperativa Iha Eskola PAULO VI

Dili, 17 Outubru 2020 – Sekretáriu Estadu Kooperativa (SEKOOP) Elizário Ferreira, fó tomada pose ba estrutura Kooperativa PAULO VI (sigla portugés COPAS), ne’ebé estabelesidu iha ekola refere, iha sexta (16/10) ne'e, iha Eskola PAULO VI.

SEKOOP haktuir katak harii COPAS ne’e atu akomoda kapitál finanseira ne’ebé sidadaun sira iha liuliu hosi estudante sira-nia inan-aman, hodi bele kontribui atu promove sidadaun nia oan ba nível estudu ida aas liu tán iha futuru liuhosi kapitál finanseira ne’e, tanba edukasaun mak sai baze ba dezenvolvimentu nasaun nian.

Kooperativa refere laiha limitasaun, katak la’os ba estudante ho profesór de’it maibé ba estudante nia família sira seluk mós bele sai membru COPAS nian.

SEKOOP mós iha esperansa katak eskola seluk bele banati kooperativa ne’ebé PAULO VI halo ona, hodi kontribui atu eleva nível edukasaun estudante nian, nune’e bele hametin nasaun nia rekursu umanu ida forte nafatin hosi povu nia oan.

Fonte: Timor News

Notísia Hotu-Hotu >