MTKI Vizita Sítiu Turístiku Gruta Leki Raka Iha Vikeke

Vikeke, 16 Outubru 2020 – Ministru Turizmu, Komérsiu no Indústria (MTKI) José Lucas da Silva, iha sexta (16/10) ne’e, vizita sítiu turístiku gruta Leki Raka ne’ebé konsidera nu’udar fatin istóriku ida iha tempu rezisténsia, lokalizada iha Ossú, munisípiu Vikeke.

MTKI observa direita kondisaun fíziku iha fatin ne’e, ne’ebé dezenvolve hosi SEFOPE iha tinan 2011 liubá, hanesan uma ka fatin entrada ba sítiu turístiku ne’e, hodi buka hatene kona-ba jestaun ne’ebé halo durante ne’e ba fatin refere.

MTKI konversa mós ho autoridade lokál sira hanesan xefe suku inklui lia-na’in sira, hodi rona sira-nia preokupasaun no sujestaun sira ba Governu relasiona ho dezenvolvimentu ba fatin turístiku ne’e.

Fonte: Ministério do Turismo, Comércio e Indústria (MTCI)

Notísia Hotu-Hotu >