SEFOPE Realiza Teste Etapa Daruak Programa SWP Nian Ba Kandidatu 2.196 Hosi Dili

Dili, 19 Outubru 2020 - Sekretaria Estadu ba Formasaun Profisionál no Empregu (SEFOPE) liuhosi Diresaun Nasionál Empregu Esteriór (DNEE) realiza tán teste etapa daruak iha Akademia PNTL Komoro, ba Seasonal Worker Program (SWP) ba kandidatu traballadór hosi munisípiu Dili.

Kandidatu sira ne’ebé tuir teste etapa daruak ne’e hamutuk 2.196, kompostu hosi mane 1.577 no feto 619.

Diretór Nasionál DNEE Filomeno Soares hateten, teste ba etapa daruak ne’e nu’udar teste kontinuasaun fíziku ne’ebé realiza ona iha 21 Setembru to’o 9 Outubru 2020, nune’e, kontinua iha etapa daruak ne’e to’o 23 Outubru 2020.

Diretór Filomeno salienta katak kritéria ba teste ne’e hanesan de’it, feto push up dala sanulu-resin-lima, mane dala tolunulu, no halai ba feto dala tolunulu, mane dala limanulu, nune’e push up pasa ba set and range hotu mak ba halai.

Fonte: Mídia Secretariado de Estado para Formação Profissional e Emprego (SEFOPE)

Notísia Hotu-Hotu >