PNTL Preokupa Ho Joven Sira-nia Atividade Akampamentu Hodi Ba Toba Iha Fatin Turístiku Sira

Dili, 22 Outubru 2020 – Komandante Jerál Polísia Nasionál Timor-Leste (PNTL) Faustino da Costa, informa katak PNTL nia preokupasaun ida mak kona-ba atividade hosi joven sira iha semana nia rohan (fim de semana), halibur malu ho númeru boot hodi halo akampamentu no toba iha fatin turístiku sira.

Komandante Jerál informa ida ne'e, ohin, hafoin atualiza tiha situasaun iha teritóriu nasionál ba Prezidente Repúblika Francisco Guterres Lú Olo, iha palásiu prezidensiál, relasiona ho seguransa, insidente no asidente sira.

Komisáriu Faustino konsidera katak atividade ne'ebé joven sira halo ne’e hanesan direitu pesoál, maibé nia husu ona ba Komandu PNTL sira, atu tau-matan ba atividade hirak ne’e hodi evita hahalok sira ne’ebé la adekuadu no mós proteje fatin turistiku sira.

Fonte: Mídia Presidente da República (PR)

Notísia Hotu-Hotu >