Covid-19: Pasiente Ida Rekuperadu Ona Maibé Kazu Foun Ida Mak Mosu Tán Fali

Dili, 26 Outubru 2020 - Kordenadora Jerál Covid-19 Ministériu Saúde (MS), Odete da Silva Viegas informa katak pasiente pozitivu ba Covid-19 ne’ebé tama izolamentu iha 10 Outubru liubá, agora rekuperadu ona, maibé kazu infektadu foun ida mak mosu fila-fali.

“Ohin ita deteta fali kazu foun ida no kazu ida ne’ebé mak pozitivu, pasajeiru ne’e halo viajen hosi Indonézia to’o iha Timor-Leste liuhosi Batugadé iha 16 Outubru. Pasajeiru ne’e hela iha otél Beach Garden. Sira hamutuk ema na’in-5 mak hela iha otél refere”, Odete informa, liuhosi konferénsia imprensa ne’ebé MS realiza ohin (26/10).

Nune’e, dadus kazu infektadu Covid-19 ne’ebé rekuperadu ona mak hamutuk 29, kazu ativu foun 1, no hein rezultadu 352.

Fonte: Timor News

Notísia Hotu-Hotu >