Kazu Soe Bebé Iha Vila-Verde, PNTL Kaptura Ona Nia Inan No Sei Buka Tuir Hela Nia Aman

Dili, 27 Outubru 2020 – Porta-vóz Komandu Polísia Nasionál Timor-Leste (PNTL) Superintendente Xefe Arnaldo de Araújo, iha segunda (26/10) ne’e, liuhosi konferénsia imprensa ne’ebé hala’o iha Kuartél Jerál PNTL Kaikoli, informa katak kazu soe bebé iha loron sábadu (24/10) liubá iha área Vila-Verde, bebé nia inan hetan ona kapturasaun hosi PNTL.

Bebé nia Aman PNTL sei buka tuir hela hodi identifika kauza hosi aktu refere. Kazu ne’e iha hela prosesu investigasaun Komandu PNTL Munisípiu Dili nia liman.

Entretantu, hafoin hetan bebé ne’e, lori bá kedas ospitál hodi hetan tratamentu hosi parte saúde sira.

Fonte: Mídia Polícia Nacional de Timor-Leste (PNTL)

Notísia Hotu-Hotu >