Previzaun Klima Ba Loron Finadu: Posibilidade Boot Atu Akontese Udan Ho Intensidade Moderadu To’o Forte

Dili, 30 Outubru 2020 – Diresaun Nasionál Meteorolojia no Jeofízika (sigla portugés DNMG) informa ba públiku kona-ba kondisaun klima ba loron finadu (02/11) nian katak iha posibilidade boot sei akontese udan ho intensidade moderadu to’o forte durante iha períodu meiudia to’o loro-kraik.

Previzaun tempu refere DNMG haree katak sei akontesei iha área sira hanesan Nítibe, Pásabe, Nainaban, Oesilo, Pasar Tono, Memo, Tunubibi, Lolotoe, Maliana, Balibó Batugadé, Kailaku, Atsabe, Hatulia, Letefoho, Glenu, Darhai, Aileu, Likidoe, Maubisse, Hatubuiliku, Turiskai, Soibada, Laklubar no Tuketin.

DNMG mós prevé katak anin sei huu ho diresaun variável ho intensidade 6-15 km/h no akompaña ho razada bele to’o 50 km/h iha períodu meiudia to’o loro-kraik kuaze iha teritóriu Timor-Leste hosi 02 Novembru 2020.

Fonte: Direção Nacional de Meteorologia e Geofísica (DNMG)

Notísia Hotu-Hotu >