Governu Kolleta Hare Éktare Ida Iha Atabae

Dili, 06 Novembru 2020 – Ministru Agrikultura no Peska (MAP) Pedro dos Reis, hamutuk ho Ministru Koordenadór ba Asuntu Ekonómiku (MKAE) Joaquim Amaral, Ministru Turizmu Komérsiu no Indústria (MTKI) José Lucas do Carmo, Vise MTKI Domingos Antunes, Vise Ministru Saúde Bonifácio do Reis, no Sekretáriu Estadu Ambiente Demétrio de Carvalho,  iha kinta (05/11) ne’e, kolleta hare ba époka daruak ho éktare ida, iha suku Aidaba Leten, postu-administrativu Atabae, Bobonaru.

Hare ne’ebé kolleta, tuir planu katak sei sosa hosi Governu no fahe ba família sira liuhosi programa Sesta Bázika. Hafoin kolleta hare, MKAE ho komitiva kontinua ba suku Sanirin, postu-administrativu Balibó, Bobonaru, hodi halo distribuisaun Sesta Bázika ba komunidade Sanirin.

Programa fahe ai-hán iha Sanirin, Balibó, organiza hosi MAP nu’udar Ministériu implementadór programa Sesta Bázika iha Bobonaru.

Fonte: Gabinete Ministro Coordenador dos Assuntos Económicos (MCAE)

Notísia Hotu-Hotu >