Governu Japaun Sei Fó Apoiu Ba PNTL Iha Área Marítima

Dili, 20 Novembru 2020 – Embaixadór Japaun iha Timor-Leste KINEFUCHI Masami, hamutuk ho nia adjuntu HIGASHIMOTO Shingo, ohin (20/11), hasoru malu ho Vise Ministru Interiór (MI) António Armindo iha edifísiu MI, Dili, hodi ko’alia kona-ba apoiu hosi Governu Japaun atu dezenvolve Polísia Nasional Timor-Leste (PNTL) iha área Marítima nian.

Asesór prinsipál Vise MI, José Turquel informa, oras ne’e daudauk Timor-Leste iha hela prosesu estabelesimentu Autoridade Nasionál Marítima, tanba ne’e, Governu Japaun prontu atu halo diskusaun hodi esplora modalidade kooperasaun oinsá bele fó apoiu ba Marítima.

Turquel hatutan, hosi apoiu Governu Japaun nian ba setór Marítima, sei ko’alia mós kona-ba kuríkulu PNTL hodi koresponde ho filozofia politika polísia komunitáriu nian, atu dezenvolve forsa polisiál ida ne’ebé respeita direitu umanu, la halo violasaun ba direitu umanu, hodi sai parseiru no amigu ba komunidade.

Fonte: Mídia Serviço Relações Públicas de Ministério do Interior

Notísia Hotu-Hotu >