MTKI Realiza Simpóziu Turizmu Timor-Leste 2020 Hodi Ko’alia Kona-ba Métodu Turizmu Komunitáriu

Dili, 20 Novembru 2020 – Ministru Turizmu, Komérsiu no Indústria (MTKI) José Lucas do Carmo, ho Vise Ministra Turizmu Komunitáriu no Kulturál (MTKK) Inácia da Conceição Teixeira, akompaña mós hosi parseiru dezenvolvimentu balu, realiza Simpóziu Turizmu Timor-Leste 2020, ohin (20/11) iha edifísiu Ministériu Finansa, Dili, hodi ko’alia kona-ba modelu no métodu turizmu komunitáriu atu oinsá bele dezenvolve ekonomia no hadi’a moris.

Iha abertura ba Simpóziu Turizmu ne’e, MTKI José do Carmo hateten, daudauk ne’e Governu halo esforsu maka’as hodi hamosu hikas no dezenvolve turizmu komunitáriu ho hanoin ida oinsá hadi’a konseitu turizmu komunitáriu hodi dezenvolve ekonomia rai-laran.

Iha sesaun ne’e mós Vise MTKK halo aprezentasaun kona-ba konseitu turizmu komunitáriu ne’ebé daudauk ne’e sei iha hela faze elaborasaun no introdusaun, no sei halo mós konsolidasaun no lejislasaun molok implementa.

Vise MTKK esplika, turizmu komunitáriu nia orientasaun foka liu ba povu, tanba ne’e povu mak sai na’in ba prosesu atividade turizmu komunitáriu.

Fonte: Ministério do Turismo, Comércio e Indústria (MTCI)

Notísia Hotu-Hotu >