MTKI Sei Realiza Feira Nasionál 28 Novembru Iha Bazartete Durante Loron 5

Dili, 20 Novembru 2020 – Ministériu Turizmu, Komérsiu no Indústria (MTKI) sei realiza Feira Nasionál 28 Novembru ba tinan 2020 durante loron lima (5), iha suku Lauhata, postu-administrativu Bazartete, munisípiu Likisá, iha ámbitu komemorasaun loron Proklamasaun Independénsia 28 Novembru ba tinan ida ne’e.

Informasaun ne’e hato’o hosi Diretór Jerál Turizmu José Dias Quintas, liuhosi konferénsia imprensa ne’ebé realiza ohin (20/11), iha Sentru Informasaun Turístiku, Lesidere, Dili.

José Dias esplika tán, Feira Nasionál ne’e sei hala’o hahú hosi 22 Novembru, oras tuku 19:00, to’o 27 Novembru oras tuku 20:00.

Feira Nasionál 28 Novembru durante loron 5 ne’e, José Dias haktuir, sei iha atividade lubuk ida mak hanesan, atividade komersiál, divertimentu, kuíz, dahur tebe-tebe, kosertu, no selu-seluk tán.

Fonte: Timor News

Notísia Hotu-Hotu >