Governu Aprova Projetu Kria Institutu Nasionál Kombate HIV/SIDA I.P Ho Nia Estatutu

Dili, 20 Novembru 2020 – Liuhosi reuniaun extraordináriu ne’ebé realiza ohin (20/11) iha palásiu Governu, Dili, Konsellu Ministru halo aprovasaun ba projetu Dekretu-Lei kona-ba kria Institutu Nasionál Kombate HIV/SIDA I.P, no aprova mós nia Estatutu rasik.

Projetu Dekretu-Lei ne’e aprezenta hosi Vise Primeira Ministra no Ministra Solidadriedade Sosiál no Inkluzaun (MSSI), Armanda Berta dos Santos, ho nia objetivu mak Governu hakarak define ho forma natureza jurídika klaru instituisaun prevensaun no kombate HIV/SIDA.

Definisaun forma natureza jurídika ba Institutu Nasionál Kombate HIV/SIDA I.P mak atu halo estrutura ida simples no funsionál, maibé garante iha simultánea reprezentatividade hosi departamentu governamentál sira no organizasaun sosiedade sivíl relevante sira iha kombate HIV/SIDA nian.

Fonte: Mídia Ministério das Obras Pública (MOP)

Notísia Hotu-Hotu >