FNB Sei Realiza Torneiu Basketeból Feto Hodi Komemora Loron Nasionál Feto No Labarik Nian

Dili, 30 Novembru 2020 – Prezidente Federasaun Nasionál Basketeból (FNB) Joaquim Gusmão hasoru malu ho Espoza Prezidente Repúblika Cidália Nobre Guterres, ohin (30/11) iha palásiu prezidensiál, Dili, hodi husu Espoza Prezidente Repúblika atu tau naran ‘Primeira Dama’ ba torneiu Basketeból ne’ebé FNB sei realiza hodi komemora Loron Nasionál Feto no Labarik nian ne’ebé monu iha 03 no 25 Novembru.

Iha reuniaun ne’e, Prezidente FNB hateten katak, ida ne’e nu’udar eventu ne’ebé foin mak atu realiza ba dahuluk iha Timor-Leste, destinadu espesialmente ba feto amante no simpatizante modalidade desportiva basketeból ho tema ‘Liuhosi Desportu Ita Hapara Violénsia Hasoru Feto no Labarik’.

Espoza Prezidente Repúblika agradese ba hanoin ne’ebé mak FNB planeia ona atu realiza, no nia enkoraja nafatin federasaun desportiva hotu-hotu atu kontinua treina no hasa’e foinsa’e sira-nia koñesimentu, nune’e wainhira ba tuir eventu internasionál ruma bele hatudu buat ne’ebé di’ak.

Joaquim hateten katak tuir planu, torneiu ne’e sei hala’o iha semana rua nia laran, no partisipante sira sei kompostu hosi ekipa 32, ne’ebé sei mai hosi instituisaun públika, setór privadu no reprezentante hosi universidade sira.

Abertura ba torneiu ne’e sei aviza ba públiku wainhira simu ona informasaun no konfirmasaun hosi Gabinete Espoza Prezidente Repúblika kona-ba naran ne’ebé atu fó ba torneiu refere.

“FNB mós sei halo koordenasaun ho Sekretaria Estadu Juventude no Desportu ho objetivu asegura kontinuidade programa torneiu Basketeból Feto ba tinan-tinan”, Joaquim informa tán.

Fonte: Mídia Gabinete Conjuge do PR


VAGA SERVISU
Climate Change Senior Technical Officer Data ikus submissaun: 26/01/2021

Mercy Corps is seeking to h ... [Info Kompletu]

Market Development Senior Technical Officer Data ikus submissaun: 26/01/2021

Mercy Corps is seeking to h ... [Info Kompletu]

URBAN Resilience and Climate Change Senior Technical Officer Data ikus submissaun: 26/01/2021

Mercy Corps is seeking to h ... [Info Kompletu]

Notísia Ikus Liu
Kooperasaun 16/01/2021
<< Tailándia Hakarak Nafatin Apoia Timor-Leste Liuliu Kontinua Hala’o Prinseza Tailándia Nia Kompromisu >>
Seguransa 16/01/2021
<< Governu Sei Harii Postu UPM No UPF Iha Ataúru >>
Kooperasaun 16/01/2021
<< Embaixadór Foun Korea Súl Hato’o Karta Kredensiál Ba Prezidente Repúblika >>
Subsídiu 15/01/2021
<< Sesta Bázika: Kompañia Sheramor Distribui Mina Ne’ebé Liu Ona Prazu Iha Laulara >>
Finansa 15/01/2021
<< PM: Osan Ba Tinan 2021 Ne’e Iha Maibé Seidauk Halo Levantamentu >>
Asidente 14/01/2021
<< Iha Semana Ida Ne’e Akontese Asidente 36 No Rezulta Ema Na’in-3 Mate >>
Edukasaun 14/01/2021
<< Manufahi: Sei Re-Ativa Eskola Iha Semana Oin, Kada Sala Akumula De’it Estudante 25 >>
Empregu 14/01/2021
<< NT Farmers Iha Austrália Sei Simu Traballadór Timoroan 155 Atu Ba Servisu Iha To’os Pateka >>
Polítika 14/01/2021
<< Governu Lakohi Ansi Atu Gradua No Hasai Timor-Leste Hosi Lista Nasaun Menus Dezenvolvimentu >>
Seguransa 13/01/2021
<< Lere Husu Investiga Aviaun Tula Moras Covid-19 Ne’ebé Tún Iha Aeroportu Komoro >>
Notísia Hotu-Hotu >