Aban Kandidatu Traballadór SWP Na’in-162 Aranka Ba Servisu Iha Austrália

Dili, 01 Dezembru 2020 – Ministru Koordenadór ba Asuntu Ekonómiku (MKAE) Joaquim Amaral, hamutuk ho Sekretáriu Estadu Formasaun Profisionál no Empregu (SEFOPE) Alarico de Rosário, halo despedida ho kandidatu traballadór Seasonal Worker Program (SWP) hamutuk na’in-162 ne’ebé mak atu desloka aban (02/12) hodi ba servisu iha Austrália.

Hafoin remata serimónia despedida ne’ebé hala’o ohin (01/12) iha Salaun Delta Nova, Dili, Alarico de Rosário ba jornalista sira hateten katak, hosi totál 162 ne’e feto hamutuk 59 no mane 103 ne'ebé selesionadu hosi munisípiu 12 no RAEOA. Ohin halo despedida no asina deklarasaun atu sira bele aranka ba Austrália aban.

Liuhosi intervensaun iha serimónia ne'e, SEFOPE husu ba kandidatu traballadór sira atu hatudu komportamentu di’ak hodi bele lori rezultadu di’ak mai aprezenta ba família no ba Governu.

“Servisu iha ne’ebá fila mai lori osan ba inan-aman iha Timór atu hán hanesan liurai [...] ita-nia maluk balu iha Austrália ne’ebé halai sai tiha hosi sistema tanba situasaun mak haruka, maibé ha’u husu ba imi labele halo hanesan ne’e tán. Lori Timór nia naran ba hatudu disiplina di’ak”, Alarico salienta tán.

MKAE Joaquim Amaral iha nia intervensaun, hato’o parabéns ba kandidatu traballadór hirak ne’e tanba sira mak hetan uluk oportunidade atu ba servisu iha Austrália iha tinan 2020 liuhosi prosesu selesaun ne’ebé naruk. Nia mós husu timoroan hirak ne’e atu servisu ho di’ak no ho profisionál iha ne’ebá.

Serimónia ne’e hetan mós partisipasaun hosi Embaixadór Austrália iha Timor-Leste no kandidatu traballadór sira-nia inan-aman ka enkaregadu.

Fonte: Timor News


VAGA SERVISU
Offshore Various Job Opportunities - Expressions of Interest Data ikus submissaun: 27/01/2021

On behalf of our client, No ... [Info Kompletu]

Climate Change Senior Technical Officer Data ikus submissaun: 26/01/2021

Mercy Corps is seeking to h ... [Info Kompletu]

Market Development Senior Technical Officer Data ikus submissaun: 26/01/2021

Mercy Corps is seeking to h ... [Info Kompletu]

Notísia Ikus Liu
Covid-19 23/01/2021
<< Covid-19: Rekuperadu Foun 3 Maibé Mosu Fali Kazu Pozitivu Foun 11 Mai Hosi Indonézia >>
Lian Povu 23/01/2021
<< Vendedór Iha Largo Sente Terus Liu Tanba Udan Ho Anin Sobu Beibeik Sira-Nia Lona >>
Polítika 22/01/2021
<< VIII Governu Halo Retiru Ba Daneen Kona-ba Planu Rekuperasaun Ekonómika Iha Tinan 2021 >>
Agrikultura 22/01/2021
<< Ular Estraga To'os-Na'in Sira-Nia Batar Éktare 10 Resin Iha Manufahi >>
Krimi 22/01/2021
<< Tékniku EDTL Baukau Hetan Tuda Hosi Ema Deskoñesidu Iha Buibau >>
Kooperasaun 22/01/2021
<< IGJ Asina MoU Ho PNTL Atu Koopera Hodi Kontrola Jogu Ilegál Iha Timor-Leste >>
Empregu 21/01/2021
<< Kandidatu Traballadór SWP Ne’ebé To’o Agora Seidauk Ba Austrália Ne’e Tanba Dalaruma Sira Falla Iha Kritéria >>
Polítika 21/01/2021
<< Governu Timor-Leste Kongratula Prezidente EUA Foun Ne’ebé Simu Ona Posse >>
Polítika 21/01/2021
<< Prezidente Repúblika Apoia Atu Renova EE No Husu Governu Taka Fronteira >>
Polítika 21/01/2021
<< HASATIL Husu Governu Separa Lixu Orgániku No La Orgániku Molok Lori Ba Tibar >>
Notísia Hotu-Hotu >