Dili, 21 Dezembru 2020 – Governu Xina liuhosi Embaixadór Xina iha Timor-Leste, Xiao Jianguo, halo doasaun ekipamentu protesaun Covid-19 hanesan kámara imajen térmika haat (4) no máskara rihun sanulu (10.000) ba Ministériu Interiór, ne’ebé simu direita hosi Vise Ministru Interiór António Armindo, ohin (21/12) iha praia dos coqueiros, Dili.

Vise Ministru Interiór hateten, ekipamentu hirak ne’e sei uza iha fronteira terestre entre Timor-Leste no Indonézia, hanesan Batugadé, Sakato no Mota Masin.

Embaixadór Xiao Jianguo hateten katak Governu Xina mós apoia ekipamentu hirak ne’e atu Servisu Migrasaun uza iha aeroportu Dili hosi asegura no prevene transmisaun Covid-19 tama liuhosi aeroportu.