Dili, 03 Janeiru 2021 – Koordenadór Pilár VII Covid-19, dr. Nilton do Carmo Silva, liuhosi konferénsia imprensa hateten katak Timor-Leste aumenta tán ona kazu foun rua ne’ebé pozitivu ba Covid-19, nune’e total kumulativu kazu ne’ebé agora dadaun baixa hela hamutuk nain-15.

Paseinte nain-2 ne’ebé detetadu pozitivu ba Covid-19 ne’e, ida mai hosi Portugal no ida seluk fali mai hosi Londres, Reinu Unidu. Sira nain-2 tun iha Dili iha 22 Dezembru 2020 ho aviaun Air Asia ne’ebé tula pasajeiru hamutuk nain-100.

Entre Pasajeiru na’in 100 refere, na’in 14 hela iha kuarentena Otel Vila Verde “ne’ebé nain-2 detetadu pozitivu” no na’in-78 seluk hela iha kuarentena Otel Regal Apartament, Otel Time Square, Otel Fortuna no Otel Carla Mension.

Pasajeiru nain-100 refere hotu-hotu tama kategoria close contact tanba iha ona istória kontaktu ho na’in-1 pozitivu detetadu iha Malázia ne’ebé lakonsege mai Timor-Leste.