Dili, 04 Janeiru 2020 – Komandante Polísia Nasionál Timor-Leste (PNTL) munisípiu Manufahi, Superintendente Joni Viana das Regras informa ohin (04/01) iha nia knaar-fatin iha Manufahi katak, hahú hosi fulan Janeiru to’o Dezembru tinan 2020 PNTL Manufahi rejista kazu krime ho totál hamutuk haatnulu resin neen (46) no kazu asidente tráfiku hamutuk ruanulu resin sia (29).

Nia esplika, totál númeru krime 46 ne’ebé akontese iha Manufahi iha 2020 nia laran ne’e kompostu hosi violénsia doméstika iha kazu sanulu resin haat (14), kazu ofensa integridade simples iha sanulu resin rua (12), asaltu seksuál iha haat (4), no iha mós tipu kazu krime seluk tán.

Enkuantu kazu asidente tráfiku 29 ne’e, iha sanulu resin hitu (17) mak rezolvidu liuhosi akordu entre vítima ho suspeitu no kazu sanulu resin ida (11) mak prosesa ba tribunál. Hosi totál kazu asidente tráfiku 29 ne’e rezulta mós ema ida (1) mate.