Afeganistaun, 08 Janeiru 2021 – Grupu milísia hosi rai Taliban halo atake iha provínsia Uruzgan, Helmand no Kunduz iha Afeganistaun durante loron rua iha kuarta (06/01) no kinta (07/01), hodi rezulta ema na’in 20 resin mate, tuir informasaun ne’ebé Kompas Indonézia divulga.

Autoridade ida iha provínsia Uruzgan, Mohammad Karim haktuir katak akontese explozaun bomba ida iha provínsia refere hodi hamate elementu seguransa na’in neen (6).

Iha provínsia Helmand, ofisiál autoridade ida ho naran Attaullah Afghan relata katak akontese atake hosi grupu Taliban iha kuarta ne’e, rezulta kuaze ema na’in lima (5) resin mak mate. Vítima sira ne’e maioria labarik no feto. Nia haktuir tán, Akontese mós atake iha provínsia Kunduz ne’ebé hamate ema liu na’in sanulu resin rua (12).

Porta-vóz Taliban, Zabihullah Mujahid informa, nia rekoñese atake refere tanba ne’e nia sei responsabiliza. Zabihullah mós informa katak milísia Taliban oho kuaze elementu seguransa liu ema na’in sanulu resin lima (15).