Austrália, 10 Janeiru 2021 – Traballadór timoroan ida ho sexu mane no idade 25 mate iha Tasmania Norte, Austrália, tanba hetan asidente wainhira lori hela kareta.

Tuir informasaun ne’ebé ABC News divulga katak, mate-isin traballadór timoroan ne’e hetan iha domingu (10/01) ne’e molok tuku 6:00 dadeersan.

Inspetór Polísia Tasmania Ruth Orr hateten, timoroan ne’e lori hela kareta iha sábadu kalan no hetan asidente tanba nia lakon kontrolu iha dalan kurva ba parte loos.

“kareta ne’e baku-fila no du’ir-an tún ba maizoumenus metru 20,” Inspetór Ruth Orr esplika tán.

Nia kontinua esplika, sira la deskonfia katak asidente ne’e hetan kontribuisaun hosi droga no bebida alkólika, maibé polísia nafatin investiga tanba sá mak nia tenke lori kareta no halo viajen iha tempu kalan.

ABC News haktuir, servisu ne’ebé timoroan ne’e halo iha Austrália mak hanesan ku’u ai-fuan berry iha to’os ida iha Exton, besik Deloraine, Austrália.