Dili, 11 Janeiru 2021 – Sidadaun sira ne’ebé hola parte no hala’o atividade negósiu iha fatin públiku Merkadu Taibesi maioria la halo tuir regra Estadu Emerjénsia (EE) dasiak tuir Dekretu Governu nian, hanesan sira la uza máskara, la fase liman, no laiha distánsia sosiál.

Informasaun ne’e relata hosi ekipa fiskalizadór Provedoria ba Direitu Umanu no Justisa (PDHJ), wainhira halo monitorizasaun iha merkadu refere iha semana kotuk.

Ekipa fiskalizadór mós nota katak autoridade, seguransa no líder komunitária sira iha fatin refere la prepara bee ho sabaun ba komunidade, no sira mós la orienta komunidade iha merkadu ne’e atu fase liman no kumpre regra prevensaun Covid-19 nian iha EE dasiak ne’e.