Dili, 12 Janeiru 2021 - Koordenadora Jerál Komisaun Covid-19, Odete da Silva Viegas, informa ohin (12/11) liuhosi konferénsia imprensa ne'ebé hala'o iha Palácio das Cinzas, Dili, katak pasiente Covid-19 rekuperadu foun iha tolu (3) tán, nune'e na'in lima (5) mak sei ativu infetadu no baixa hela.

"Hakarak deklara ba públiku katak, pasiente na’in tolu ne’ebé baixa iha Sentru Izolamentu Vera Cruz sei alta iha loron ohin hodi bele inkorpora ba iha família," Odete Viegas informa.

Maibé, nia hatutan katak ba sira ne'ebé rekuperadu ona tenke kumpre nafatin medida preventiva sira hodi evita kazu Covid-19 mosu no da'et iha Timor-Leste.