Dili, 12 Janeiru 2021 – Diretór Jerál Administrasaun Finansa, Mariano de Araújo, hateten katak iha tinan 2021 funsionáriu kontratadu iha Ministériu Interiór (MI) sira-nia saláriu hanesan mós ho funsionáriu permanente sira nian maibé eskalaun la sa’e.

Mariano de Araújo hato’o ida ne’e, ohin (12/01), wainhira hala’o enkontru ho kargu Xefia sira seluk iha MI Vila-verde, hodi halo avaliasaun ba funsionáriu kontratadu iha MI sira-nia prestasaun servisu.

“Nune’e funsionáriu kontratadu sira-nia saláriu mós tama iha rejime jerál administrasaun públika nian,” Mariano akresenta.

Nia haktuir, ho mudansa ba lei rejime jerál administrasaun públika ne'e bele sai hanesan motivasaun di’ak ida ba funsionáriu kontratadu sira, hodi presta sira-nia servisu di’ak liután.