Dili, 13 Janeiru 2021 – Fixeiru ida ho pájina hamutuk 16 inklui hastag Ministériu Agrikultura no Peska ne’ebé Market Development Facility (MDF) divulga, haktuir katak bandu ema hotu atu oho fahi sira ne’ebé infektadu hela moras ruma hanesan moras African Swine Fever (ASF) no seluk tán, hodi konsume ka fa’an tanba asaun ne’e sei habelar moras fahi nian liuhosi movimentu produtu na’an fahi.

Iha fixeiru ne’e hateten mós katak, labele f¬ó-hán fali na’an fahi ne’ebé infetadu moras ba animál sira seluk.

Wainhira fahi moras no mate, tenke hakoi de’it maibé presiza mós falun metin fahi ne’ebé mate ona ho plástiku, no ke’e rai-ku’ak ho kle’an metru ida (1) resin hodi hakoi, nune’e bele prevene moras infektadu hosi fahi ne’e da’et hikas ba animál seluk.

Ikus hosi pájina iha fixeiru ne’e hateten, ema ne’ebé hakiak fahi tenke hamoos fahi-luhan uza dezinfetante, maibé tenke hatais mos hena ne’ebé apropriadu espesiál ba tama fahi-luhan nian.