Dili, 13 Janeiru 2021 – Konsellu Ministru halo ona aprovasaun ba proposta hodi nomeia João Soares Martins nu’udar Reitór foun Universidade Nasionál Timor Lorosa’e (UNTL) nian, hafoin proposta refere aprezenta tiha hosi Ministru Ensinu Superiór, Siénsia no Kultura (MESSK) Longuinhos dos Santos, wainhira Konsellu Ministru hala’o sorumuk ohin (13/01) iha Palásiu Governu, Dili.

Nune’e, tempu badak Reitór foun UNTL nian ne’e sei simu posse hodi hala’o nia knaar administrativa atu serví UNTL durante tinan lima nia laran.

Haktuir fali informasaun ne’ebé Timor News divulga ona antes ne’e katak, João Soares Martins nu’udar kandidatu ida ne’ebé eleitu ba Reitór UNTL foun liuhosi eleisaun ne’ebé realiza iha kampuz UNTL Hera, Dili, iha Dezembru 2020 liubá, wainhira kompete ho kandidatu na’in rua seluk.