Dili, 16 Janeiru 2021 – Koordenadora Jerál Komisaun Nasionál Covid-19, Odete Viegas, informa iha sábadu (16/01) ne’e iha Palácio das Cinzas katak, médiku timoroan ida ho sexu mane no idade 35 pozitivu infetadu Covid-19.

“Pesoál saúde refere kuarantena obrigatóriu iha otél Novo Horizonte [...] Amostra Swab foti iha loron 14 Janeiru 2021, rezultadu pozitivu relata iha loron 15 Janeiru 2021 [...]Pesoál saúde ne’e halo kontaktu direita ho nia maluk pesoál saúde na’in-11,” Odete informa.

Tanba ne’e, pasiente Covid-19 ne’ebé oras ne’e baixa hela hamutuk na’in hitu (7), pasiente konfirmadu infetadu Covid-19 ne’ebé rekuperadu ona hamutuk na’in haatnulu resin lima (45), no kazu mate seidauk iha.