Posibilidade Atu Akontese Udan No Anin Boot Iha Semana Ida Ne’e Iha Kosta Súl

Dili, 18 Janeiru 2021 – Hosi parte Diresaun Nasionál Metereolojia no Jeofízika (sigla portugés DNMG) Timor-Leste bolu atensaun ba rejiaun sira iha kosta súl hanesan Lautén, Vikeke, Manufahi no Kovalima katak iha posibilidade atu akontese udan ho intensidade moderadu to’o forte, akompaña mós ho anin boot iha semana ida ne’e nia laran (18-24 Janeiru) iha área hirak ne’ebé temi ona.

Informasaun divulgadu ohin (18/01) hosi DNMG dehan mós katak semana ida ne’e nia laran kalohan sei taka iha kuaze teritóriu Timor-Leste akompaña ho udan izoladu.

Tanba ne’e, DNMG alerta ba komunidade sira atu hasees-an hosi fatin sira ne’ebé mak iha impaktu ba risku dezastre Naturál hanesan inundasaun, rai-halai, ai tohar ka monu no seluk tán.

Fonte: Direção Nacional de Meteorologia e Geofísica (DNMG)

Notísia Hotu-Hotu >