Iha Tempu Badak Tailándia Sei Apoia Formasaun Ba SEKOOP Kona-ba Kooperativa Kréditu

Dili, 18 Janeiru 2021 – Governu Tailándia liuhosi nia Embaixadór iha Timor-Leste, Ekapol Pollpipat, afirma katak Tailándia prontu apoia formasaun ba Sekretaria Estadu Kooperativa (SEKOOP) kona-ba dezenvolvimentu kooperativa kréditu uniaun.

"Ami prontu ajuda Sekretaria Estadu Kooperativa atu dezenvolve setór kooperativa, oinsá fó formasaun iha área kooperativa nian no ami espera kooperasaun ne'e sei realiza iha tempu badak", dehan Ekapol, hafoin hasoru malu ho Líder SEKOOP Elizario Ferreira, ohin (18/01) iha nia knaar-fatin Dili.

Líder SEKOOP Elizario esplika katak iha Tailándia dezenvolvimentu kooperativa kréditu uniaun la’o ho di’ak tebes, tanba ne’e formasaun ne’ebé sira atu fó sei dezenvolve liután setór kooperativa kréditu iha Timor-Leste.

SEKOOP hatutan, formasaun ne'ebé Governu Tailándia oferese ne'e ema hamutuk 30 to'o 40 mak sei partisipa via online iha tempu badak nia laran.

Fonte: Mídia Secretário do Estado Cooperação (SECoop)

Notísia Hotu-Hotu >