Ema 29 Mate Hafoin Simu Vasinasaun Pfizer Kontra Covid-19 Iha Noruega

Detikinet, 18 Janeiru 2021 – Noruega preokupa tebes ho seguransa hosi vasina Pfizer ba ema idozu sira, tanba ema hamutuk na’in-29 iha nasaun refere mak mate ona hafoin simu tiha vasinasaun Pfizer hodi prevene infeksaun Covid-19, haktuir detikiNET iha segunda (18/01) ne’e.

Norwegian Medicines Agency (NOMA) temi katak ema 29 ne’ebé mate ne’e hafoin sira simu tiha vasinasaun Pfizer. Maibé, seidauk deskobre loloos nia kauza ne’e hosi vasina Pfizer ka kondisaun médika konjénita pasiente nian.

Kazu iha nasaun Noruega ne’ebé lokalizada iha Europa ne’e halo nasaun seluk ne’ebé atu aplika vasina Pfizer mós preokupa, hanesan Austrália ne’ebé aseita ona hodi sosa vasina Pfizer.

“Ami prosesa ida ne’e ho kuidadu máximu. Ami sei la’o tuir konsellu hosi médiku reguladór sira,” dehan Ministru Saúde Austrália, Greg Hunt, tuir informasaun divulgadu hosi 9News segunda (18/01) ne’e.

Fonte: Detik News

Notísia Hotu-Hotu >