Manufahi, 19 Janeiru 2021 – Governu Timor-Leste planeia atu harii uma hamutuk 87 ba ema kbiit-laek sira iha munisípiu Manufahi nu’udar faze dahuluk iha tinan 2021, kada suku sei hetan uma tolu (3) maibé ba aldeia ida de’it.
Administradór Manufahi Arantes Isaac Sarmento informa ida ne’e wainhira halo abertura ba programa sosializasaun uma ba ema kbiit-laek sira ne’ebé realiza ohin (19/01) iha Administrasaun munisipál Manufahi, hodi esplika tán katak eziste suku 29 iha Manufahi tanba ne’e benefisiáriu na’in-87 mak sei hetan uluk.
Reprezentante Diretór Nasionál Programa Nasionál Dezenvolvimentu Suku (PNDS) António Romano hateten, konstrusaun uma ba ema kbiit-laek ne’e sei implementa liuhosi Ministériu Administrasaun Estatál ne’ebé tama mós iha pakote programa PNDS nian hodi implementa iha suku hotu-hotu iha teritóriu Timor-Leste.
Tanba ne’e nia husu atu Autoridade Lokál sira tenke identifika didi’ak komunidade kbiit-laek duni no merese atu hetan uma hosi Governu.
Fonte: Diáriu "Roman ba Sosiedade" ManufahiMercy Corps is seeking to h ... [Info Kompletu]
USAID’s Tourism For A ... [Info Kompletu]
The United States Governmen ... [Info Kompletu]