Ular Estraga To'os-Na'in Sira-Nia Batar Éktare 10 Resin Iha Manufahi

Manufahi, 21 Janeiru 2021 - Diretór Servisu Agrikultura munisípiu Manufahi Aurélio dos Santos Marques informa iha kuarta (20/01) ne'e katak, ular ho naran lakataru no ular seluk tán oras ne'e hán-estraga agrikultór iha suku Betanu, postu-administrativu Same,  sira-nia batar éktare sanulu (10) no hán-estraga mós batar éktare tolu (3) iha suku Mahakidan, postu-administrativu Alas.

"Parte Servisu Agríkultura aranja ona aimoruk hodi rega ular oan iha suku Betanu maibé la konsege hamate ular-oan tanba aimoruk la sufisiente," dehan Aurélio.

ARS fó-sai katak, iha kinta (21/01) ne'e sira halo konfirmasaun ho Xefe suku Mahakidan Cristovão Pereira, no nia esplika, iha suku refere kuaze batar éktare hitu (7) mak hetan estragus hosi ular.

Nia husu atu parte Governu rezolve tanba produsaun batar iha tinan ida ne'e sei menus relasiona ho ular ne'ebé hán-estraga hotu.

Fonte: Diáriu "Roman ba Sosiedade" Manufahi

Notísia Hotu-Hotu >