Keshavars Great Timor Hakarak Fornese Ikan Ne’ebé Sira Hakiak Ba Programa Sesta Bázika

Dili, 27 Janeiru 2021 – Kompañia Keshavars Great Timor hakarak fornese ikan tilápia no ikan lele ne’ebé sira hakiak iha Hera, Dili, ba kompañia distribuidór programa sesta bázika hodi fahe ba benefisiáriu sira.

Ikan ne’ebé sira hakiak ne’e hetan vizita direita hosi Vise Ministru Komérsiu no Indústria Domingos Lopes Antunes, iha kuarta (27/01) ne’e iha Hera, no akompaña hosi na’in ba kompañia distribuidór programa sesta bázika Clodatia Fu, Rui Castro.

Iha vizita ne’e, Rui Castro hateten, nia hakarak mós atu sosa ikan refere hodi inklui iha ai-hán sesta bázika atu fahe ba benefisiáriu sira.

Iha mós animál seluk ne’ebé Keshavars hakiak iha Hera mak hanesan karau ne’ebé prodúz susu-been, manu-rade, manu turkey, manu japoneza inklui manu lokál no bibi.

Fonte: Ministério do Turismo, Comércio e Indústria (MTCI)

Notísia Hotu-Hotu >