Mane Ida Hetan Pena Prizaun Tinan 1.050 Tanba Halo Violasaun Sexuál Dala-105 Ba Nia Oan-Feto Hakiak

Malázia, 27 Janeiru 2021 – Tribunál ida iha Malázia sentensa ka hatún pena prizaun ho durasaun tinan 1.050 ba mane ida, iha kuarta (27/01) ne’e, tanba nia halo krime violasaun seksuál dala-105 durante tinan rua nia laran ba nia oan-feto hakiak (Indonézia, anak tiri), hahú hosi tinan 2018 to’o 2020, wainhira sira na’in rua mesak de’it iha uma.

Juiz ida ho naran M Kunasundary haktuir, vítima ho idade foin 12 iha altura ne’ebá wainhira nia hetan violasaun sexuál ba dahuluk hosi mane ne’e.

Vítima mós ta'uk atu kesar tanba mane ne’e ameasa no baku nia. Vítima foin hateten sai iha Fevereiru 2020, wainhira  nia inan lori nia ba vizita família sira.

“Ha’u espera katak ó sei arepende durante iha prizaun,” dehan Kunasundary ba arguidu ne’e.

La’os pena prizaun tinan 1.050 de’it maibé arguidu mós sei hetan kastigu iha públiku hodi hetan baku iha kotuk ho rota, hodi koresponde ba aktu kriminál ne’ebé nia komete kontra nia oan-feto hakiak.

Fonte: Channel News Asia (CNA)

Notísia Hotu-Hotu >