Austrália: Traballadór SWP Ba NT Farmers La Presiza Hela Iha Governu Nia Fatin Kuarentena Ne’ebé Karun

Austrália, 04 Fevereiru 2021 – Traballadór Seasonal Worker Program (SWP) ne’ebé hosi rai-li’ur atu ba servisu iha to’os Teritóriu Norte ka Northern Territory Farmers (NT Farmers), Austrália, bele kumpre de’it kuarentena durante semana rua (2) iha to’os sira iha Teritóriu Norte, signifika katak traballadór sira la presiza atu hela iha Governu Austrália nia fasilidade kuarentena ne’ebé karun, haktuir ABC News ohin (04/02).

“Sira bele halo kuarentena loron 14 iha to’os no la’os iha fasilidade Governu nian,” Ministra Saúde Teritóriu Norte Natasha Fyles hateten.

Nia akresenta, maibé traballadór sira la hetan lisensa atu halo servisu durante kumpre hela kuarentena.

“Ami lakohi haree ema ida tama mai no sai nu’udar traballador ne’ebé ho kondisaun saúde ladún di’ak,” Natasha dehan.

Fonte: Mídia ABC News

Notísia Hotu-Hotu >