OMS Seidauk Deskobre Orijen Loloos Hosi Covid-19

Xina, 10 Fevereiru 2021 – Ekipa investigadór hosi Organizasaun Mundiál ba Saúde (OMS) aranka ba Wuhan, Xina, iha 14 Janeiru liubá hodi halo investigasaun ba orijen loloos hosi Covid-19, maibé iha tersa (09/2) ne’e ekipa investigadór realiza fali konferénsia imprensa ida iha Wuhan hodi informa katak sira seidauk deskobre evidénsia kona-ba surtu Covid-19 nia orijen loloos.

“Nia konkluzaun mak ami la hetan evidénsia kona-ba orijen hosi surtu Covid-19 ne’ebé mosu iha Wuhan iha Dezembru 2019 no iha fatin seluk mós,” Xefe ekipa investigadór OMS Peter Ben Embarek dehan.

Embarek akresenta, sira sei investiga nafatin Covid-19 nia via transmisaun. Nia suspeita katak provavelmente transmisaun inisiál Covid-19 mai hosi espésie intermediáriu.

Membru hosi ekipa investigadór, Marion Koopmans hateten katak animál sira hanesan koellu, laho no guaxinins bele sai nu’udar intermediáriu.

Fonte: Channel News Asia (CNA)

Notísia Hotu-Hotu >